архив номеров

АРХИВ НОМЕРОВ

ПОСЛЕДНИЕ КОММЕНТАРИИ

Каталог предприятий

    развернутьсвернуть

    ВОПРОС-ОТВЕТ

    Добавить вопрос

    Имя
    E-mail
    Вопрос:
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
    Отправить

    АНЕКДОТЫ

    • КУРАЙЕН ШУДӤСЬ

      2019.03.22 456
      КУРАЙЕН ШУДӤСЬ

      Башкир калык выжыкыл

      Куке но вашкала вакытэ улэм-вылэм одӥг бай адями. Солэн Гарей нимо пиез вылэм.  Гарей пичи дырысеныз атаезлэн ляльчиосыныз пӧйшураны ветлылэм. Со вакытэ нюлэсъёсын  трос пӧйшуръёс улӥллям угось.  

      Одӥг пол Гарей бубизлы шуэ, пе: 
      – Атай, туннэ мон пӧйшураны огнам мыно.
      Атаез пизэ огназэ нюлэскы лэзьыны пумит кариськем. Нош Гарей кылзӥськымтэ, пӧйшураны лушкем кошкем. Солэн ассэ кышкасьтэмен, пӧйшуръёсты кутыны быгатӥсен возьматэмез потэм. Нунал ортчем, Гарей берытскымтэ. Кыкетӥ нуналаз но со дораз вуымтэ. Бай вань вожпотонзэ ляльчиосыз вылэ кисьтэм, пиезлэн юатэк-вератэк пӧйшураны кошкемез понна соосты янгыш карем. Арня ортчем – Гарей ӧвӧл. Бай вань ляльчиоссэ ас дораз ӧтем но соослы тазьы вазиськем:
      – Гареез котькытысь утчалэ но шедьтэ! Кин мыным урод ивор вуттоз, сое кионъёслы кесяны сёто.
      Озьы шуыса, ляльчиоссэ ышем пизэ утчаны ыстэм. Ляльчиос нюлэсъёстӥ, гурезьёстӥ утчаськыса ветло, пе. Ветлӥллям, ветлӥллям но одӥг интыысь Гарейлэн дӥсезлэсь кеськем пичи кесэгзэ шедьтӥллям. Ляльчиос ма карыны уг валало ни, пе: кызьы та сярысь кузёлы ивортоно? Ӵапак соку вӧзтӥзы пересь пиосмурт ортче вылэм. Солы ваньзэ лад-лад мадиллям, визь-кенеш курыса вазиськиллям. Пересь кылзэмез бере шуэ, пе:
      – Кӧлыны выдэ ай, пиосы. Ӵукна бай доры берытскоды, мон но тӥледын ӵош мыно.
      Ляльчиос, кӧня ке буйгатскыса, кӧлыны выдӥллям. Ӵукна ваньзы ӵош бай доры кошкиллям, нош соиз капка вӧзаз  возьмаськыса сылэ ни, пе. 
      – Кыӵе ивор тӥ мыным вуттӥды? – юам бай.
      Ляльчиос чалмыт сыло, пе. Нош пересь песьтэрысьтыз курайзэ поттэм но шудыны кутскем. Курайлэн куараяз сомында куректонэз вылэм – садысь уӵыос но чалмытскиллям, ява. Бай кылзыса, я пересь шоры, я курай шоры учкыса сылэм, сылэм но бӧрдыны кутскем. Бам вылтӥз синкылиосыз васько, пе. Нокин номыр ӧз вера ке но, бай валатскем: пиез солэн бырем. Курайлэн гурез секыт ивор вуттӥз ке но, со ик байлэсь куректонзэ кӧнялы ке небӟытӥз. 
      Озьы кураен шудӥсь кинлэсь ке улонзэ но утиз, куректӥсь муртлэсь сюлэмзэ но буйгатӥз.
                     Берыктӥз Ульфат Бадретдинов.

       

    ОБЪЯВЛЕНИЯ

    ПАРТНЕРЫ

    Гороскоп