Культура

Свердловск улосвылысь Вылысь Пышмаысь 25-тӥ номеро школаын «Эгес» удмурт огазеяськонэ пыриськисьёс пумиськизы. Ижевскын ортчем вань удмуртъёслэн XIII съездазы вуылэм делегатъёс ужрадлы огъя йылпумъянъёс лэсьтӥзы. Ужрадлэн кыкетӥ люкетэз огазеяськонлэсь почётной председательзэ Евгения Сергеевна Вахрушеваез 70 арес тырмон юбилееныз ӟечкыланлы сӥземын вал.

Янаул ёросысь Каймашабаш школаын бадӟым ужрад ортчиз. Со тодон-валан праздниклы пӧрмиз. Таӵе уж удмурт огазеяськонлэн кичӧлтэмезъя радъямын вал. Ужрадэ вань удмурт школаосысь удмурт кылъя но литературая дышетӥсьёс, быдэн кык пиналъёс, озьы ик удмурт гуртъёсысь но Янаул ёросысь центральной модельной библиотекаын ужасьёс пыриськизы.

Республикаысьтымы Калыкъёслэн эшъяськон юртэнызы кылем арын нылпи суредъёсъя «Традиции моего народа в гармонии с природой» темаен «Многонациональный Башкортостан» конкурс ялэмын вал.

Республикаысьтымы Калыкъёслэн эшъяськон юртэнызы кылем арын нылпи суредъёсъя «Традиции моего народа в гармонии с природой» темаен «Многонациональный Башкортостан» конкурс ялэмын вал.

1962-тӥ арын школаез йылпумъяса, Менсадык Ижевскысь Удмурт педагогической институтлэн художественно-графической факультетаз пыре. Нырысетӥ курсъёсын чиед мугоро, гордпыръем йырсиё но туж востэм сямо гурт пияш номырин ик, лулысь-сюлмысь тыршеменыз сяна, ӧз висъяськылы. Нырысьсэ со син шоры йӧтыны муг сётӥз куинетӥ курсысен, куке возьматӥз портрет амалэн быдэстэм ужъёссэ. Соосты туж быгатыса лэсьтэмын но уд шуы, но отын аспӧртэмлыко сямо адями тусбуйёс возьматэмын но авторлэн соослы шуныт мылкыдыз шӧдӥське. Со огшоры дышетскон ужъёс гинэ вал, но адямилэсь пуш дуннезэ адӟыны быгатон, сое валаны но дунлык-узырлыксэ пусйыны тыршон возьматӥзы, студент пушкын инкуазен сётэм суредась пуке шуыса.

Арлы быдэ Бирскын эстрада кырӟанъёсты но эктонъёсты быдэстонъя «Крещенские морозы» фестиваль-конкурс радъяське. Туэ со 22-тӥ ползэ ортчиз. Ужрад 39 сольной исполнительёсты, 10 вокальной ансамбльёсты, 6 рэп-исполнительёсты, 20 хореографической но 18 вокально-инструментальной коллективъёсты люказ. Соос пӧлын Татышлы ёросысь «Кордон» рок-группа но луиз.

22-тӥ толсуре республикаысь 780 нылпиос Башкортостанлэн Тӧроезлэн ёлкаяз вуылӥзы. Соос пӧлын, кылсярысь, луизы Янаул ёросысь Сандугач школаысь витетӥ классын дышетскись Элина Мардамшина но Татышлы ёросысь Улысь Балтач школаысь сизьыметӥ классын дышетскись Лиана Габокова. Нылъёс отчы ӟеч дышетскемзы но пӧртэм ужрадъёсы мыло-кыдо пыриськемзы, конкурсъёсын басьтэм вормонъёссы понна вуылӥзы.

Татышлы ёросын быдэс ар ӵоже Ужъя, культурая но спортъя эстафета мынӥз. Та дыр куспын со котькуд гурт поселение вуылӥз. Эстафета Вылысь Татышлыын йылпумъяськиз. Солы сӥзем ужрадын вордскем шаереныд, дано калыкеныд данъяськон мылкыд шӧдӥськиз.

Шуркынмон толэзе калык коллективъёслэн «Соцветие дружбы» фестивальзы йылпумъяськиз. Со 10 толэзь ӵоже кыстӥськиз но быдэс республикамес котыртӥз.

Куеда ёросысь Бадӟым Гондырысь культура юртэз 2005-тӥ арын аварийнойен лыдъязы. Со дырысен гурт калык но, культура юртын ужасьёс но ужрадъёс дасякузы, ортчытыкузы трос шугъяськонъёсын пумиськоно луизы. 14-тӥ толсуре бадӟым гондыръёслэн малпанзы быдэсмиз: гуртазы 200 адями тэрымон залэн выль культура юрт усьтӥськиз. Бадӟым ужрадэ Пермь шаерлэн губернаторез Виктор Басаргин но «Лукойл-Пермь» компанилэн генеральной директорез Олег Третьяков пыриськизы. Проект «О социальном и экономическом сотрудничестве между Компанией «Лукойл» и Пермским краем» соглашение улсын азинске.

Дуннеын уно пӧртэм калыкъёс уло. Кӧня калыкъёс, сомында ик сямъёс, йылолъёс, кырӟан-веранъёс, эктонъёс но крезьгуръёс. Татышлы ёросысь «Марӟан» удмурт калык фольклор ансамбль 20 ар ӵоже ни удмуртъёслэсь сям-йылолъёссэс улӟытон, соосты туала улонын утён но егитъёслы кельтон сярысь сюлмаськыса улэ. Ансамбльлэн нырысетӥ кивалтӥсез луэ Лилия Садреева. Туннэ нуналэ солэсь кутскем ужзэ быгатыса азьланьтэ Наталья Гайниярова. Кылем арняын «Марӟан» кылдэмез дырысен 20 ар тырмон юбилейзэ пусйиз. Та нуналэ Кызыл-Яр гурт трос куноосты пумитаз.

Люкаськем калыклэсь сюлэмзэ бугыртыса, сцена вылысен удмурт гур чузъяське. Кык арлы огпол Калмиярын ортчись «Жингыртэ удмурт кырӟан» конкурслэсь гала-концертсэ Уразгильдыысь Зульфира Хатипова усьтӥз. Со 2013-тӥ арын татын гран-при басьтӥз.

Туэ Калыкъёслэн огкылысь луон нуналзы ми понна паймон но, шумпотон но, тодматскон но, вормон но луиз. Ньылетӥ шуркынмонэ милемыз Артёмовск городэ удмурт нылкышно, нылпи садысь воспитатель Марина Михайловна Михайлова ӧтиз.

Литературая марафон республикаысьтымы ёросъёстӥ вамышъёссэ лэсьтэ. Кылем арняын Калтасы ёрос Литературалэн арезлы сӥзем марафонлэсь тодметпуссэ – бадӟым книгаез – Балтач ёрослы сётӥз. Литературая марафон улсын Калтасы ёросын бадӟым ужрадъёс ортчизы.

Республикаын литературной марафон азьланьтӥське. Дас одигетӥ куарусён толэзе эстафетаез Татышлы ёрос басьтӥз. Нош татышлыос доры сое Аскын ёрос вуттӥз. Ужрадэ БР-ысь писательёслэн кенешсылэн ёзчиосыз пыриськизы. Соос пӧлын вал: нылпи кылбурчи Фарзана Губайдуллина, кылбурчи Хисмат Юлдашев, «Кызылтан» газетын ужась, кылбурчи Ляйсан Кашфи, прозаик, «Башкортостан» газетын ужась Айгиз Баймухаметов, кылбурчи но журналист Любовь Колоколова, Республикаысь синтэм адямиослэн библиотекаенызы кивалтӥсьлэн воштӥсез Вера Пантелеева.

Асьмелэн котькудмылэн пичи Родинамы вань. Отын адями улэ, шудзэ шедьтэ. Нош уно сюрс калыклэн сюлмызлы матын луэ Нефтекамск город. Со вакчи дыр куспын «будӥз» но бадӟым промышленной но культурной центрлы пӧрмиз. Куарусён толэзьлэн кутсконаз Нефтекамскын улӥсьёс Городлэсь нуналзэ пусйизы. Џукна пильмаськыса ке но улӥз, калыклы со Шутэтсконъя но культурая парке люкаськыны ӧз люкеты. Угось та нуналэ татын вазь џукнаысен крезьгур шудӥз. Ужрадэз ортчытыны городлэн администрациез паськыт план дасям. Озьы та нуналэ калык понна концертъёс, адӟытонъёс, Усточиослэн аспӧртэм аллеязы, пӧртэм шудонъёс но конкурсъёс радъяськизы.

Азьвыл аръёсы нылпиос пичиысен ик пӧртэм ужъёслы дышыса будӥзы. Нош туала вакытэ улонмы ӧжытлы воштӥськемын. Быгато меда асьмелэн кивоштӥсьёсмы, кылсярысь, гын сапег кышъяны яке сугон пуконаны? Таӵе юанъёс БР-ысь удмуртъёслэн национально-культурной центрзылэн Кенешезлэсь ёзчиоссэ но кемалась сюлмаськытӥзы ни.

Ӝоген гужем каникулъёс йылпумъяськозы. Нылпиос выль кужымен дышетскон борды кутскозы. Нош кытын шутэтскизы республикаысьтымы удмурт пиналъёсмы? Тросэз шуозы, дыр, песяй-песятайёсмы яке ӵужай-ӵужатайёсмы дорын. Кинъёс ке ушъяськозы «Усточикаре» вуылэмзы пумысен. Нош Бадӟым Качакысь Света Галиахметовалы туэ выльысь «Орлёнок» лагере вуылыны кылдӥз.

11-тӥ гудырикошконэ Татышлы ёросысь Комаров нимо лагерь мӧзмон гурен лэйказ. Та нуналэ отын «Усточикар» смена йылпумъяськиз. Нылпиослэн синъёсазы эшъёссылэсь, лагерь улонлэсь мӧзмон шӧдӥськиз. Нош кинъёслэн ке анай-атайзэс адӟыса синкылиоссы бам кузязы быльыразы.

Башкортостанысь удмурт гуртъёсысь пиналъёс гудырикошконэз чидатэк возьмало. Та вакытэ соос понна дас куинетӥ арзэ ни «Усточикар» лагерь радъяське. Туэ солэн ӧсъёсыз 2-тӥ гудырикошконэ усьтӥськизы. Лагере республикаысьтымы Янаул, Татышлы, Калтасы, Ермекей, Балтач, Бурай ёросъёсысь, Пермь шаерысь Чернушка ёросысь нылпиос вуизы. Соосты ӧнерчиоссы но вожатойёссы шумпотыса но эшлыко мылкыдын пумитазы. Лагерьын сюлы матэ нылпиос шутэтскозы, быгатонлыксэс волятозы но тазалыксэс юнматозы.