icon_gotop
18+
autorisation
Войти | Регистрация
Время в Татышле
19:02
Четверг, 28 Марта
Рекламный баннер 990x90px top

Камсьӧр удмуртъёслэсь гуръёссэс кисьто

14:50 01.09.2016

Тани Ижевскысь «Инвожо» ансамбльлэсь сцена вылэ потэмзэ ялӥзы. Учкисьёс соосты кужмо кичабонъёсын пумитазы. Залэ люкаськем калык инвожоосты ӟеч тодэ, лэся. Ансамбль сцена вылэ потэм бере ик, куинь кышномуртъёс син шорам йӧтӥзы. Соос мукетъёслэсь дӥськутъёсынызы висъясько: башкир музъемын улӥсь удмурт нылкышноос выллем дӥсяськиллям. «Ми палъёс, дыр», - малпай ас поннам. Ӵошен кырӟанзэс йылпумъямзы бере, куиньназы кутскизы ук сюлэмлы туж матын но тодмо удмурт гуртъёсты кисьтыны!

Концерт бере соосын тодматскыны малпай. Зэм, кышномуртъёс Ижевске Башкортостанысь татышлы но балтач музъемъёсысь вуиллям: Валентина Шаймарданова Кызыл-Ярын вордскыса будэмын, нош апай-сузэръёс Фирая Журавлёва но Назида Красильникова – Асавка гуртын.

- Ижевске 1988-тӥ арын вуи, соку сузэръёсы татын ужало вал. Ужасько коррекционной школаын дышетӥсь луыса. Ансамбле лыктӥ 1989-тӥ арын, эше Валя Векшина ӧтиз. Сцена вылэ ми ӵем потаськом, праздникъёсы центральной площадьын концерт номеръёс возьматӥськом. Кивалтӥсьмы Елена Шутова сярысь верано ке, со егит, задор кышномурт, кык ар гинэ милемын ужа на. Ужзэ туж яратэ, ас азяз но, милемлы но юн куронъёс пуктэ, - вера В. Шаймарданова.

Выль тодмоосме крезьгур огазея. Кырӟан-эктон дуннее кыстӥськись сюлэмъёс уж беразы ӵемысь репетициосы дырто, пӧртэм ужрадъёсы пырисько. Кылсярысь, Москваын ортчем «Гербере» но соос вуылӥзы. Кызьы дырзы тырме меда?

- Мылкыд ке луиз, котькытчы вутскыны луэ, семьялы но, нылпиослы но, сцена вылэ потыны но вакыт шеде, - шуо соос.

Миляуша БУЛАТОВА.

5897

Оставить сообщение: