icon_gotop
18+
autorisation
Войти | Регистрация
Время в Татышле
01:52
Пятница, 29 Марта
Рекламный баннер 990x90px top

«Старт» но «финиш» кылъёс соослы тодмо

08:43 29.09.2016

Владислав Никитин (туспуктэм вылын паллянысез) но Марсель Зарипов Ермекей ёросысь Купченеево школаын дышетско. Куинетӥ классысь пиос кыксы ик спортэн тунсыкъясько, пӧртэм ӵошатсконъёсын школазылэсь данзэ утё. Ми вуылон нуналэ соос «Кросс нации» капчи атлетикая ёрос конкурсэ мыныны дасясько вал.

- Мон понна та выль ӵошатскон ӧвӧл, «Кросс нации» ужрадэ кылем арын пыриськи ни вал, - вера Марсель.

Спортлэсь видъёссэ басьтоно ке, пиослы кыкназылы ик тужгес, пе, матын луэ куасэн ветлон. Куасэн ӵошатсконъёсысь соос трос пол грамотаосын, синпель кузьымъёсын вуылӥллям ни.

Яратоно предметъёссы сярысь юанэлы пичи спортсменъёс ӵошен веразы, физкультура кельше шуыса. Марсель ватсаз на:

- Ӟуч кылъя но математикая урокъёсты яратӥсько. Ваньмон дыры луыку, футболэн шудӥсько.

- Мыным но математика кельше, со малпаськыны дышетэ, нош спорт кужмо каре, - вера Владислав.

Тазалыко улонэн эшъяськыны мылкыд карись адямилы номыр уг люкеты, дырез гинэ быгатыса шыръяно. Спортлы дорын но саклык висъяны луэ. Кызьы пусйизы Марселен Владислав, соослэн котькуд нуналзы ӵукна зарядка бордысен, пе, кутске.

Миляуша БУЛАТОВА.

Ермекей ёрос. 

5600

Оставить сообщение: