icon_gotop
18+
autorisation
Войти | Регистрация
Время в Татышле
13:09
Пятница, 29 Марта
Рекламный баннер 990x90px top

Тодэ ваёнъёсазы – азьвыл улон, сям-йылолъёс

09:22 20.10.2016

- Ошмесчиослы но кылдэм вылэм вашкала школалэсь интызэ адӟыны, - пумитаз милемыз Алексей Максимович. – Та мынам апаелэн юртэз, али со висьыны усеменыз, нылыз дорын улэ. Бакчаез небыт, соин ик Гуля нылмы татчы мерттӥськоно луиз. Нош ми, кӧня быгатӥськом, нылпиосмылы юрттӥськыны выриськом.

Зэм, юрт шоры учкыса ик валаны луэ – со кемалась ӝутэмын вылэм. Изъёслэсь пуктэм кенос шоры учкыса, огдырлы ортчем вакытэ вуылӥськод кадь.

- Песятайме раскулачивать кариллям, - малпаськись тусме адӟыса, лэся, шуиз Алексей агай. Бӧрысь ачиз но огдырлы малпанъёсыз пӧлы «йыромиз», вылды.

Янгыш уз луы, дыр, Анастасия Романовналэн дышетӥсез улон вылэм шуи ке. Угось со 7-тӥ классэ йылпумъямез бере ик йырыныз-пыдыныз колхоз уже «выем»: бусыын картофка но октэм, скотникын но ужам, скал но кыскем, скирдэ куро но люкам, учётчик но луэм, заправкаын но ужам, йӧл октӥсьлэсь ужзэ но быдэсъям.

- Ваньзэ «веръяно» луиз ини уждурын, - шуэ арлыдо кышномурт. – Пенсие потэм бере, кык ар колхозлэн правленияз диспетчерын ужай на.

Алексей Максимович тямыс ар школаын покчи классъёсты дышетэм. Со сяна, строитель но со вылэм, гурт поселениен но кивалтэм. Кузпалъёслэн семьязы 1963-тӥ арын кылдэм. Соос куинь нылпи будэтӥллям. Туннэ Пургинъёс шудо анай-атай луон сяна, дуно песяй-песятай, ӵужай-ӵужатай но луо.

Геройёсы - котьмаин тунсыкъяськыны яратӥсь адямиос. Гуртлэн улоназ но соос пырисько, ортчемез-луэмез пытьытэк медаз ышы шуыса сюлмасько. Алексей Максимовичлэн гурт, школа сярысь гожъямъёсыз трос. Али дыре со люкам материалъёсыныз брошюра поттон сярысь малпанъёсын улэ.

- Луэмзэ ыштыны капчи, - шуэ Анастасия Романовна. – Кылсярысь, удмурт кыл. Куд-ог анай-атайёс школаын сое дышетонтэм вылысь заявление гожтӥллям. Удмурт кылмы ке но гуртамы мед улоз ини. Иське, удмуртлыкмылэн маиз кылёз на? Кыл ке быриз, калык но быроз, шуо. Азьло гуртамы радъяськись сям-йылолъёс вунэмын. Тодӥсько ай, кызьы пичи дыръя вӧсьёсы ветлӥськом вал. «Вӧсяськон нюк» сьӧрын бадӟым тыпы вань вал. Со котыре люкаськыса, вӧсясьёс Инмарлы вазиськылӥзы. Нош али со тыпы но, вӧсяськисьёс но ӧвӧл ни. Инмарзы но, огезлэн – бадьпу, мукетызлэн – кызьпу, шуыны луоз.

Вакыт азьлань дыртэ. Асьмелы со тодэ-ваёнъёс гинэ кельтэ на. Малпанъёсы выйыку, «Улон» нимо книгалэсь бамъёссэ усьяськод кадь: котькуд тодэ-ваёнлэн аслаз бамез.

 Миляуша БУЛАТОВА.

Ермекей ёрос.

7368

Оставить сообщение: