Быдӟым Вормонлы сӥзем вормонъёс

Эстафета вить группаосъя радъяськиз. Вормисьёсты но вить группаосъя ик пусйизы. Ве­раны кулэ, коть­куд группаын Бадӟым Гондыр гуртысь вуэмъ­ёс шаплыкенызы висъяськизы. Шорёзо школаос пӧлын Бадӟым Гондырысь ды­шетон юрт 2-тӥинтыын луиз, ос­новной школаос пӧлын кипчакъёс вормисе потӥзы.

Шор ёзо школаосын 6-9-тӥклас­съёсын дышетскисьёс пӧлын но бадӟым гондыръёслы вуисьёс ӧз луэ, дышетӥсьёслэн командазы но ӵошатсконысь нырысетӥинтыен берытскиз. Бадӟым Гондыр школаез йылпумъям Мария Кушникова фи­нише туж ӝог пыременыз котькинэ паймытӥз.

Эстафетаын ветеранъёслэн ко­мандаоссы но нюръяськизы. Татын но бадӟым гондыръёс вормисьёс пӧлын луизы: куедаослэсь ӧжытлы гинэ бере кыльыса, соос 2-тӥинтые потӥзы. Вормисе потэм командаос киысь кие выжись кубокъёслы кузё луизы, спортсменъёсты медальёсын но дипломъёсын пусйизы.

Эстафетаын тужгес ӟеч спортив­но-технической лыдпусъёс возьма­тэм спортсменъёсты – Бадӟым Гонды­рысь Евгений Меншараевез но Руслан Менгалиевез, Кипчакысь Александр Рахимовез, ужрадэ кужмоесь коман­даосты дасям тренеръёсты - Бадӟым Гондырысь Игорь Ахматуллинэз но Раис Нуриевез, Кипчакысь Василий Садретдиновез - но ужрадын данъя­зы. Та нуналэ спортсменъёс вормонъ­ёссэс Вормон Нуналлы кузьмазы.

Миляуша НИГАМАТУЛЛИНА.

Пермь шаерысь Куеда ёрос.