icon_gotop
18+
autorisation
Войти | Регистрация
Время в Татышле
17:47
Пятница, 29 Марта
Рекламный баннер 990x90px top

Зарни сюанозь вуттэм сюрес

10:32 18.05.2017

- Нимды тунсыко, мае ке возьматэ, дыр? - юасько кыш­номуртлэсь.

- Сеткай мае возьматэ, уг тодӥськы. Семьяын мон сизьыметӥнылпи луиськем, соин озьы нималлям. Гуртын ми куинь Сеткайёс вал, соос но семьяязы сизьыметӥныл­пи луыса вордӥськиллям, - вера Сеткай Гатиевна.

Кузпалъёс кыксы ик Байшадыын вордӥськыса будӥллям. Война аръёс бере вордӥськем адямиос пичиы­сен секытлыкъёсты шӧмъяно луиллям. Улон соосты нуны­ямтэ.

Байшадыын ик ортчем улон сюрессы – соос гурт удысын тыршиллям. Ӝыны даур талэсь азьло ваче ки вамыштыны мылкыд карем кузпалъёс мукетъёслы адӟем карымон улыны тыршиллям, колхозын ужаны но, юртъер котырзэс утялтыны но, гид тыр пудо вордыны но вутскил­лям. Сеткай песяй 20 ар ӵоже фермаын ужам: скал фермаын но, курег фермаын но, ыж фер­маын но тыршем.

- Пӧртэм дырез адӟыны кылдӥз, «Мичурин» колхоз­мылэн дано вакытэз но луиз. Калык тыршыса ужа вал бусы­осын. Али со быремын, егитъ­ёслы уж ӧвӧл ни. Соос палэнэ кошко, гуртын улӥсьёслэн лыдзы арысь аре кулэсме, - вера Сеткай песяй.

Гильниахмет Менниах­метович 1961-1964-тӥаръ­ёсы армиын луэм. Служба аръёсыз бере, Вуж Балтачын комбайнёрлы-механизаторлы дышетскем. Бертыса колхозэ ужаны потэм. Со дырысен 32 ар ӵоже со вордӥськем музъемаз тыршем. Солэн ужезлы котьку вылӥдунъет сётылӥллям. Усто ӧнерчилы котькуд ужез оскыны луэ вылэм.

Байшадыос Нурисламовъ­ёс сярысь ӟеч кылъёсын гинэ вазисько. Гуртын соос - гажа­но адямиос. Котькинлы зарни сюанозь вуттӥсь сюрес кузя вамышъяны уг кылды угось. Тупаса, кенешыса улӥсь куз­палъёслэн куинь нылпиоссы. Туннэ нуналэ соос - шудо песяй-песятай.

- Бадӟымез Зилина нылмы Удмуртиын улэ, Якшур-Бо­дьяысь дышетонъя ёзэтын ужа. Максим пимы но Лариса нылмы Нефтекамске улыны интыяськизы. Соос асьсэлэн семьяосынызы уло, нылпиос­сы но ужало ни, - вера Сеткай песяй.

Шутэтскон нуналъёсы, праздникъёсы нылпиоссы, нунокъёссы Нурисламовъёс доры ӵем вуыло. Соку соослэн бадӟым, югыт, ӝикыт утялтэм корказы эшшо но шулдыргес луэ, нош сюлэм шунытсы – котькудзылы тырме.

Миляуша БУЛАТОВА.

Бурай ёрос. 

7016

Оставить сообщение: