icon_gotop
18+
autorisation
Войти | Регистрация
Время в Татышле
19:15
Пятница, 29 Марта
Рекламный баннер 990x90px top

Финн-угор калыкъёс люкаськизы

13:58 03.10.2013

 - Татьяна Николаевна, Башкорто­станысь делегацие кинъёс пырись­кизы?

- Мордваос, поръёс но удмур­тъёс. Делегациен Башкортостанысь Финн-угор калыкъёслэн ассамблея­енызы кивалтӥсь Юлия Герасимова кивалтӥз. Удмуртъёс пӧлын луизы БР-ысь удмуртъёслэн НКЦ-енызы кивалтӥсьлэн Янаул ёросъя воштӥсез Ю. С. Саитов, Татышлы ёросысь Улысь Балтач школаен кивалтӥсь Л. Л. Зи­дымаков.

- Нош малы съезд Саранскын ортчиз?

- Мордваос финн-угор калыкъёс пӧлын тужгес трос лыдъясько. РФ-ысь Финн-угор калыкъёслэн ассоциаци­зылэн штаб-квартираез но Саранске интыяськемын. Ассоциациен Пётр Тултаев кивалтэ. Со – Саранск адми­нистрациен кивалтӥсь.

- Съезд кыӵе ужпумъёсты сэрт­тон-пертчонлы сӥземын вал?

- Ужрадын анай кылэз дышетонлы бадӟымгес саклык висъяськиз. Калык культураез но кылэз утёнлы нимысь­тыз ватсаса ужрадъёс ортчизы. Съез­дэ вуэмъёс анай кылэз тодон, утён но азинтон сярысь кыкетӥ нуналаз радъяськем «Язык. Наука. Образова­ние» секциын вераськизы на. Со сяна, «Здоровье. Демография. Семья» но «Культура. Литература. Современ­ные информационные технологии» секциос ужазы. Туала егитъёслэн ужпумъёссылы сӥзем «Глобализация. Идентичность. Традиция» котырес љӧк ортчиз. Съездын Россиысь Финн-угор калыкъёслэн ассоциациязы Кенеш бырйиськиз. Азьланяз ньыль ар ӵоже ассоциациен Пётр Тултаев ик кивалтоз. Кенеше республикаысь­тымы Юлия Герасимова но БР-ысь поръёслэн национально-культурной автономиенызы кивалтӥсь Павел Бикмурзин быръемын. Съездлэн резолюциезъя, вордскем кылэз, дышетонэз азинтон вылысь, выль книгаос, дышетон пособиос поттыны чакламын, школаосын анай кылэз дышетонлы бадӟым саклык висъяны ӵектэмын, калык нуналъёсты пась­кыт ортчытыны дэмламын.

Культураез, литератураез пась­кыт азинтон понна, электрон амалэн ужась библиотекаос кылдытыны малпамын. Финн-угор калыкъёслэн историзы, сям-йылолъёссы сярысь бичетъёс (сборникъёс) печатламын луыны кулэ.

Финн-угор калыкъёс­лэсь газет-журналъёссэс вӧлмытон ужъёс радъяно. Ка­лык театръёс бордын ужано. Нылпи творчествоя фестива­льёс ӵемысь ортчытъяно.

Егитъёсты валтӥсь про­ектъёсы, кун программаосы кысконо. Гуртъёсын нылпио­сын, егитъёсын пыр-поч ужано. Вашкалаын финн-угор калыкъ­ёс пӧлын паськыт кутӥськем спорт ужрадъёсты, шудонъё­сты егитъёс пӧлы вӧлмытоно. Нылпиослы финн-угор кылын сайтъёс тупатоно.

- Финн-угор калыкъёс­лэн съездазы тӥ нырысьсэ вуылӥды-а? Ужрад пумысен кыӵе малпанъёсты кылдӥзы?

- Ужрадэ мон кыкетӥзэ вуиылӥ. Мынам малпамея, та выллем ужрадъёс финн-угор калыкъёслы азинскыны юрт­то. Финн-угор калыкъёслэн IV съездзы но та калыкъ­ёслэн улоназы шӧдскымон воштӥськонъёс пыртӥз, шуыны луоз. Кылсярысь, 2012-тӥ арын Саранскын РФ-ысь калыкъёс­лэн форумзы ортчиз, Йошкар-Олаын поръёслэн IX cъездзы радъяськиз, туэ гужем ка­релъёслэн съездзы луиз. Таяз съездын туннэ нуналэ котькинэ сюлмаськытӥсь, бадӟым саклык висъямез кулэ карись ужпумъёс эске­риськизы. Огез сюлмаськытэ: делегациын егитъёсмы ӧвӧл вал. Сюлме пыӵамон луизы вепс, водь, ижор, манси, хан­ты, ненец калыкъёс сярысь докладъёс. Та калыкъёслэн лыдзы арысь аре шӧдскымон кулэсме. Шумпотымон, калык, анай кыл понна сюлмынызы висись адямиос улонын пу­мисько на. Малпасько, съез­дын кутэм ужпумъёс одно ик быдэстэмын луозы. Азьланяз но финн-угор калыкъёслэн валтӥсь ужпумъёссы дыраз быдэстӥськозы.

Вераськиз

Миляуша БУЛАТОВА.

8136

Оставить сообщение: