Арлэн котькуд вакытаз

Дмитрий Семёнов, укмысэтӥ классэз йылпумъ­яса, ёросысь 151-тӥномеро профессиональной училищее трактористлы дышетскыны пырем. «Дышетсконме йылпумъяса, хозяйствое ужаны потӥ. Палэнысь уж утчаны ӧй выры, армие мынон дыр матэк­тэ вал угось», - вера Дмитрий.

Армиысь бертэм пияшез выльысь хозяйствое ужаны ва­зиллям. Егит ӧнерчилы выль МТЗ-82 трактор сётӥллям. Арлэн котькуд вакытаз Дми­трий пудоослы сиён пыртон сярысь сюлмаське. «Дмитрий быдэс ар ӵоже фермаын тырше.

Со туж тыршись, кылкутӥсь пияш. Солы котькыӵе ужез оскыны луоно. Азьло коть­куд корпуслы быдэ куинь скотникъёс лыдъясько вал, табере адями киосты техникавоштэ. Дмитрийлэн тракторез тӥяськоно луиз ке, пудоос сю­тэм кылёзы», - вера хозяйство­ен кивалтӥсь Сергей Ханов.

Егит тракторист ужзэ во­штон сярысь уг малпаськы. Азьланяз но, пе, вордскем Калмияр гуртам ик уло, хозяй­ствоын ик ужало.

Миляуша НИГАМАТУЛЛИНА.

Татышлы ёрос.