Финн-угор калыкъёслэн яркыт тугокозы

Таяз арын отчы пӧртэм регионъёсысь 80-лэсь ятыр коллективъёс но ни­маз кырӟасьёс пыриськизы. Озьы республикаямы Удмурт Элькунысь, Марий Элысь, Пермьысь но Свердловск улосвылысь куноос вуизы. Учкисьёсты удмурт кырӟан-эктонъёсын тодматӥзы Та­тышлы ёросысь «Шулдыр ӝыт», Удмурт Элькунысь «Азвесь» но «Пинал даур» ансамбльёс. Та нуналэ ик фестиваль улсын котырес ӝӧк сьӧрын верась­кон радъяськиз. Отчы «Фин­но-угорский центр РФ» калык творчествоя юртлэн Саран­скысь филиалэныз кивалтӥсь Татьяна Барахова пыриськиз. Со та выллем пумиськонъ­ёслэсь арысь аре кужмогес, чебергес ортчемзэс пусйиз. Татьяна Тихоновна Янаулын но шумпотон мылкыдзэ ша­раятэк ӧз чида. «Финн-угор дуннеын котькуд калык эктэ, кырӟа, - шуиз со финн-угор калыкъёслэн эктонъёссыя «Рапсодия в танце» праздни­кез усьтыса. – Азьланяз но вы­жыосынымы сётэм узырлыкез валаны, дунъяны но яратыны мед быгатомы». Янаул горо­дын эктонэн юн эшъясько, лэся. Со учкисьёслэн мыл­кыдзыя но шӧдӥськиз. Та нуналэ культура юртэ трос калык люкаськиз, финн-угор эктонъёс бигерзэ но, ӟучсэ но бордазы кыскизы. «Янаул ёросын 10 сюрслэсь тросгес финн-угор калыкъёс уло. Уд­муртъёс тросэнгес интыясь­кемын 21 гуртъёсы. Нош таӵе пумиськонъёс быдэс ёросысь калык творчествоез пась­кытгес азинтыны юрттозы», - вераз Янаул ёрос админи­страциен кивалтӥсь Ильшат Вазигатов. Нош республикаысь калык творчествоя центрлэн Нефтекамскысь филиалэныз кивалтӥсь Андрей Антипин Башкортостанысь культурая министрлэсь Амина Шафико­валэсь ӟечкылан гожтэтсэ лыдӟиз. Собере сценаын ку­зёяськизы эктӥсьёс. Отчы нырысетӥен потӥз Янаулысь «Ялкын» ансамбль. Соос учки­сьёслы удмурт калык эктонэз кузьмазы. «Ялкын» ансамблез сцена вылын воштӥзы Вуж Варяшысь кырӟась-эктӥсьёс. «Югдон» ансамбль удмурт тапыртонъёсын ӵош такмакъ­ёсты но кырњаз. Учкисьёс ныл­кышноослэсь дӥськутъёссэс но мур тунсыкъяськонэн уч­кизы.

Та ласянь Барабановка­ысь «Азвесь гур» ансамбль но яркыт висъяськиз. «Кырӟаса лэзём али, эктыса лэзём али», - чузъяське азвесь гуръёслэн куаразы. Эсьмаса, ансамбльысь пичи нылпи­ос но, учкисьёсты сьӧразы эктыны курыса кадь, юн-юн тапырто.

Янаулын та нуналэ трос­гес пор эктон гуръёс чузъ­яськизы. Сцена вылын, ку­зёос сяна, Аскын, Балтач, Калтасы, Краснокама, Нури­ман ёросъёсысь, Агидельысь ансамбльёс быгатонлыкъ­ёссэс возьматӥзы. Со сяна, учкисьёслы задор эктонзэс кузьмазы Свердловск улос­вылысь «Мари сем» ансамб­льысь нылкышноос. Нош Яна­улысь «Ялкын» ансамбль сце­на вылэ выльысь потэм бере, залын чус луиз. Соослэсь венгер эктонзэс куаратэк учкизы. Та нуналэ сцена вы­лын таӵеез ӧй вал на уга. Фе­стивале пыриськем котькуд коллективез дипломен но синпель кузьымен пусйизы.

Янаулъёс эктон гуръ­ёс улсын шулдыръяськыку, Мишкино ёросэ кырӟасьёс люкаськизы. Мишкино, Бу­рай, Дуван, Дюртюли, Илиш, Калтасы, Караидель ёросъ­ёсысь, Агидель городысь но Марий Эл Республикаысь куноос «Родники поющего края» фестивале пыриськизы. Соосты татысь кибашлыос­лэн ужъёсынызы тодматы­са адӟытон радъямын вал. Дуно куноосты Мишкиноын кылдэм сямъёсъя нянен-вӧйен пумитазы. Республика­ысь Калыкъёслэн эшъяськон юртсылэн филиалысьтыз - поръёслэн «Мишкино» исто­рико-культурной центрысь­тызы методист Л. Имаева ёросысьтызы поръёслэн лул­чеберетэнызы тодматӥз. Нош собере учкисьёслы «Девуш­ка на выданье» йылолзэс возьматӥзы.

Фестивале ёросъёсысь устоосыз кырӟасьёс пырись­кизы. Отын удмурт кырӟан гуръёс но чузъяськизы. Со­осты Бурай ёросысь «Инво­жо» ансамбльысь кырӟасьёс кисьтӥзы.

Йӧскалык лулчеберетъя но искусствоя фестиваль куинь нунал кыстӥськиз. Со 28-тӥ шуркынмонэ Бирск городын йылпумъяськиз. Та нуналэ отын «Рушников плетение» гала-концерт ортчиз. Отчы быдэс респу­бликаысьтымы финн-угор калыкъёслэн ансамбльёссы но кырӟасьёссы пыриськизы. Соос пӧлын луизы Ермекей ёросысь Выль Суллиысь Ана­стасия Вождаева но Татышлы ёросысь Улысь Балтачысь «Ошмес» ансамбль. Гала-концертэ Венгриысь куноос но вуылћзы: Наукаосъя ака­демилэн гуманитарной на­укаосъя исследовательской центрысьтыз этнологияя институтын ужась, кырњась Каталин Юхас, Венгриысь Йылолъёсъя юртысь калык прикладной искусствоя ёзэ­тэн кивалтћсь Золтан Сабо.

Финн-угор калыкъёслэн йӧскалык культуразыя фе­стиваль «Культура России» (2012-2018 годы) федерал программа улсын ортчиз. Сое радъязы Башкорто­станысь Культурая мини­стерство, республикаысь Калык творчествоя центр.

 Ольга НИГАМАТУЛЛИНА.