архив номеров

АРХИВ НОМЕРОВ

ПОСЛЕДНИЕ КОММЕНТАРИИ

Каталог предприятий

    развернутьсвернуть

    ВОПРОС-ОТВЕТ

      Эшъёсы, ваелэ бур киостэс!

      2015.01.15 995 0
      Эшъёсы,  ваелэ бур киостэс!

      ТОЛСУР толэзе «Ошмес» газетын ужась эшъёсын Альфид Зайноковен, Ирина Самигуловаен, Алексей Самирзяновен ӵош мыным Свердловск улосвылэ вуылыны шуд усиз: Каменск ёросысь Мартюш посёлокысь но Дегтярск городысь библиотекаосы «Удмурт сэрег» усьтон ужрадэ пыриськимы.

      Та улон кытчы гинэ «пазямтэ» удмуртъё­сты! Сверд­ловск улос­вылын пай­мымон уд­муртъёс уло вылэм. Соос кема аръёс ӵоже ӟучъёс пӧлын улы­са но уд­муртлык­сэс ыштӥл-лямтэ, анай кылзэс гажаса утиллям-вордӥллям. Ужрадэ пиналэз но, пересез но вуэм. Кӧня удмурт кырӟанъёс чузъясь­кизы та пумиськонын! Тод­матсконъёс но трос луизы. Аръёс ӵоже одӥг интыын улӥллям ке но, тросэз та ды­розь ог-огзэс тодӥллямтэ. Ужрадын синвуаськисьёс но луизы: ӟыгыръяськыса, ки­оссэс кутыса, сюлэмъёссэс усьтыса пумиськизы-тод­матскизы удмуртъёс – выль эшъёс.

      Та ужрадэз кылдытӥсь-ёслы, Свердловск улосвы­лысь «Урал кенеш» огазеясь­конлэн ёзчиосызлы Ольга но Георгий Шамшияровъёслы, бадӟым тау кылъёсме вераме потэ. Озьы ик сюлмысьтым шуныт кылъёсме верасько Екатеринбургысь «Ошмес» ансамбле ветлӥсьёслы: Ва­силий но Наталья Абдул­линъёслы, Валентина Пан­тюхиналы, Светлана Леком­цевалы. Ог-огдылы мычем эшлыко киостылэн шунытлы­кез ноку медаз сӥя, кусыпты юнмамъя мед юнмалоз. Тау шуэме потэ Ольга но Вячес­лав Зариповъёслы, Николай но Алефтина Уфимцевъёслы, Дегтярскысь библиотекарь­лы Ирина Зайнуллиналы. Котьку мед чузъяськоз Ка­менск-Уральскысь «Занга­ри», Дегтярскысь «Италмас» ансамбльёслэн шулдыресь кырӟанъёссы. Тау тӥледлы!

      Лилия ГАРАЕВА.

      Татышлы ёрос.

      Рубрики:

      Номер:

    • отправить другу
    • распечатать
    • Комментарии

      Имя
      E-mail
      Текст
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
      Отправить
      Сбросить