«Дунне вылын мед луоз шудо улон»

Вормон эстафета нырысетӥен Янаул ёросэ вуиз. Татын со кык арня ӵоже ӝегатскоз. Со вакытэ Быдӟым Вормонлы сӥзем трос пӧртэм ужрадъёс ортчытыны чакла­мын. Нылпиослы, кылсярысь, «Мы были вместе и победили!» урокъёс, кырӟаны яратӥсьёслы «Льётся песня фронтовая» конкурс радъяськоз, тазалыко улонэн эшъяськисьёс спорт шудонъёсы пыриськозы. Нош нырысетӥез пумиськон исто­рико-краеведческой музейын ортчиз. Сталинаград ожын вор­монлы 72 ар тырмонлы сӥзем ужрадэ ёрос администрациен кивалтӥсь И. А. Вазигатов но пыриськиз. Музее трос калык

 люкаськиз. Ожын бырем сол­датъёсты буре вайыса, быдэс залын одӥг минутлы чус луиз. Собере кыл сётӥськиз ожысь ветеранъёслы. Соос пӧлысь котькудӥз шуиз: «Дунне вылын мед луоз шудо улон».

Эстафета куартолэзёзь быдэс республикамес котыр­тоз. Янаул ёрос администра­циен кивалтӥсь И. А. Вазига­тов оске, со котькуд ёросысь калыкез огазеялоз. Нош 17-тӥ тулыспалэ янаулъёс эшъясь­кон мылкыдзэс Бирск ёросэ вуттозы.

Дасяз

Ольга ГИЛЬМУРАНОВА.