icon_gotop
18+
autorisation
Войти | Регистрация
Время в Татышле
14:36
Четверг, 28 Марта
Рекламный баннер 990x90px top

Бадӟым тау тӥледлы, шудо улон кузьмамды понна

15:20 26.03.2015

Кылем арняын Янаул ёро­сысь Вылысь Барабановкаын улӥсьёсты данъязы. Ужра­дэ ож мышкын тыршемъ­ёс Мухаметдин Абганиев, Гайза Кутузова, Шаркизиян Садиокова но Майда Хай­дарова вуизы. Вераны кулэ, ож аръёсты пыр потэмъёс пӧлын, тазалыксы лябӟемен, пумиськонъёсы лыктыны быгатымтэос но вань вал. Марткия Галяутдиновалы но Гульсафия Васиуллиналы медальёссэс доразы мыныса сётӥзы. Максим гурт посе­ленилэн администрациеныз кивалтӥсь Альмир Хузин клубе люкаськем калыклы вазиськыса шуиз:

- Туннэ нуналэ гурт по­селениын оже пыриськемъёс ӧвӧл ни. Жаляса верано, ож мышкын тыршемъёслэн но лыдзы арысь аре кулэсме. Бадӟым тау тӥледлы, секыт курадӟонъёсты вормыса, милемлы шудо улон кузьман понна сюлмаськыса, тыршыса улэмды, тушмонэз вормемды понна.

«Вставай, страна огром­ная…» зал тыр чузъяськиз. Кырӟан медаль басьтэмъ­ёслэсь лулпушсэс бугыртӥз, лэся. Быгыльскем синву­оссэс арлыдоос ватыны ӧз быгатэ. Гуртысь «Етӥн» фольклор ансамбльлэн кырӟанъёсыз но сюлэмъёсы сюрес шедьтӥзы. Со сяна, етӥнъёс удмурт но пор за­дор эктонъёсын калыклэсь мылкыдзэ ӝутӥзы. Макси­мысь арганчи Зифиль Гали­уллин но шулдыр кырӟанъёс быдэстӥз. Ужрадэ школаын дышетскисьёс Альбина Мар­дамшина, Светлана Набиул­лина, Валерий Галиахметов, Денис Васиуллин, Дмитрий Кутузин но Виктор Хайда­ров пыриськизы. Пиналъёс кырӟанъёс быдэстӥзы, ож ся­рысь кылбуръёс веразы, тун­сыко сценкаос возьматӥзы. Пумиськон ӵошен быдэстэм «Италмас» кырӟанэн йыл­пумъяськиз. Ужрадэз дасян но ортчытон сярысь сюл­маськиз клубысь культорга­низатор Венарий Васиуллин.

Миляуша БУЛАТОВА.

Янаул ёрос.

8961

Оставить сообщение: