Общественно-политическая газета удмуртов Республики Башкортостан

Асьмелэн котькудмылэн пичи Родинамы вань. Отын адями улэ, шудзэ шедьтэ. Нош уно сюрс калыклэн сюлмызлы матын луэ Нефтекамск город. Со вакчи дыр куспын «будӥз» но бадӟым промышленной но культурной центрлы пӧрмиз. Куарусён толэзьлэн кутсконаз Нефтекамскын улӥсьёс Городлэсь нуналзэ пусйизы. Џукна пильмаськыса ке но улӥз, калыклы со Шутэтсконъя но культурая парке люкаськыны ӧз люкеты. Угось та нуналэ татын вазь џукнаысен крезьгур шудӥз. Ужрадэз ортчытыны городлэн администрациез паськыт план дасям. Озьы та нуналэ калык понна концертъёс, адӟытонъёс, Усточиослэн аспӧртэм аллеязы, пӧртэм шудонъёс но конкурсъёс радъяськизы.

Та нуналэ ик калык культураослэн «Созвездие дружбы» инфопикниксы ортчиз. Сое национально-культурной огазеяськонъёслэн кивалтӥсьёссы усьтӥзы. Котькуд огазеяськон аспӧртэмлыко викторинаос дасям. ӟучъёслэн со городлэн историезлы сӥземын луиз, нош удмурт национально-культурной огазеяськонлэн – удмурт тодметпусъёсты, калык сиён-юонъёсты тодонлы. Юанъёслы шонер валэктон сётӥсьёсты ческыт кузьымен шумпоттӥзы. Нош «Выжы-кум» ансамбль учкисьёслы жингрес калык кырӟанъёсты кузьмаз. Озьы ик та нуналэ пор, бигер но башкир калыкъёсты шуныт пумитазы. Городлы сӥзем ужрад эшъяськон кырӟанэн но салютэн йылпумъяськиз.

Фируза ФАИЗОВА,

удмуртъёслэн огазеяськонэнызы кивалтӥсь.