Шудонъёс тунсыко ортчизы. Теннис ӝӧк сьӧрын кужымзэ возьматыны витьтонлы матэ адями мылкыд кариз угось. Соос пӧлысь 36-ез – пиос. Кылем арын соос пӧлын кужмогес луиз Улысь Балтачысь Юрий Губаев. Туэ кин ке быгатоз меда сое азьпалтыны? Ёросын ӝӧквыл теннисэн эшъяськисьёс ӧжыт ӧвӧл ни угось. Но шудон возьматӥз: пӧлазы Юрий Губаевлэсь ортчисьёс ӧвӧл на. Со туэ но нырысетӥ интые потӥз. Нош кыкетӥ но куинетӥ интыосты люкизы Выль Татышлыысь Станислав Хасанянов но Уразгильдыысь Александр Нуриахметов.
Нылкышноослы но та нуналэ ӧжыт пӧсяно луиз. Ӵошатсконъёсы бадӟым вормонлы осконэн вуэм Бальзюгаысь Ифира Гильфанова. Солэн малпанэз быдэсмиз. И. Гильфанова нырысетӥ интылэн кузёез луиз. Вылысь Балтачысь Оксана Ушиярова кыкетӥ интыен буйгатскиз. Нош куинетӥ инты шедиз Вылысь Татышлыысь Миляуша Ганиевалы.
Ольга ГИЛЬМУРАНОВА.
Оставить сообщение: