icon_gotop
18+
autorisation
Войти | Регистрация
Время в Татышле
15:52
Четверг, 28 Марта
Рекламный баннер 990x90px top

Ошмеслы - 15 ар!

13:49 13.06.2014

Ӟечбуресь! Вазиськомы ми туннэ гажано лыдӟисьёсмылы. Дас витетӥ арзэ ни «Ошмес» газет тӥ доры шумпотыса дыртэ. Соин туннэ котькудӥзлы азьвыл лыдӟисьмылы газетэнымы эшъяськемез понна тау шуиськом. Нош выленыз ӟеч кусып тупатом шуыса оскиськом. Выль арын котькуддылэн чебересь малпанъёсты мед быдэсмозы, азьланяз но удмуртлыкмес утён сярысь ӵошен мед тыршомы. Дас вить ар ӵоже ни газетмылэн кужымез со бордын возиськиз. Лыдӟисьёсмы, интыосысь гожъясьёсмы солэн пуштросэз бордын ужаны юрттӥзы. Нош почта удысын тыршисьёс газетмес калыке вуттӥзы.

Туэ инвожо толэзе «Ошмес» газет кылдэмез дырысен 15 ар тырмонзэ пусъёз. Та юбилейлы сӥзьыса редакцимы пӧртэм ужрадъёс ортчытоз, пӧртэм материалъёс печатлалоз. Нош туннэ ми, гажано лыдӟисьёсмы, тӥледлы «Ошмесэн » ми котьку эш» но «Башкир шаерысь луисько, удмурт кылэн данъяськисько» конкурсъёс ялӥськом. Нырысетӥез 13 ареслэсь покчи нылпиослы чакламын. Отчы соос суредъёссэс, кылбуръёссэс, заметкаоссэс но мукет ужъёссэс келяны быгатозы. Нош кыкетӥяз конкурсамы 13 ареслэсь бадӟымъёслэсь гожтэм чуръёссэс витиськом. Ужъёсады конкурсэ шуыса пусйыны вунэтоно ӧвӧл. Конкурсмы 22-тӥ куартолэзёзь кыстӥськоз но отын вормисьёс синпель кузьымъёс басьтозы.

Редакция.