Статьи

«Эстель» парикмахерской пала вуыкум, шумпотыса тэтчаса лыктӥсь пичи нылашез но солэсь анайзэ синйылтӥ. Тодмоосы луизы. Нылашлэн мылкыдыз ӝутскемын, ох, бӧтьыртэ ук! «Анай, тон чеберлэсь но чебер луид. Будӥ ке, мон но Ильмира апай кадь йырси вандӥсь луо», - шуэ со анаезлэн синъёсаз учкыса. Мон ачим но парикмахерское дыртӥсько. Кызьы шуиз пичи нылаш, Ильмира апай доры. Отысь мон ӝутскем мылкыдэн пото, асме зэмос нылкышноен лыдъяса, азьпала вамышто. Кин бен со Ильмира апай?

Шӧдытэк но кылиськиз гужемлэсь ортчемзэ. Сӥзьыллэн нырысетӥ нуналэз вуиз. Школаос выльысь пумитазы пиналъёсты. Та нуналэ отын тужгес бадӟым куноос – нырысетӥ классэ мынӥсьёс. Бадӟымесь сяська керттэтъёсын, шумпотыса нырысьсэ вамышто соос тодон-валан дуннее!

Нефтекамск городын туж задор, шаплы но тунсыко кышномурт улэ. Гужем нуналъёсы сое городысь уд шедьты. Ми вуылон нуналэ но кышномурт дас иськемлэсь но, оло, кыдёке интыяськем сад-бакчаяз вал. Милесьтым вуэммес тодыса, бызьыса сямен, пумитамы дыртӥз. Озьы ми Камия апаен пумиським. Эшъёсыз, тодмоосыз солы Катя апай шуыса вазисько.

Мон азьын шунды пырыосын тырмем туспуктэм. Отын Татышлы ёросысь Выль Татышлы гуртын улон сюрессэс ортчытэм кузпалъёс. Загифа но Зайнулла Даутовъёс доры куное мон нырысьсэ 2003-тӥ арын вуи. Выль Татышлы школаын ужаку, пиналъёсын альбом дасямы. Альбоммы ветеранъёслы сӥземын вал. Соку Зайнулла песятаен пумиськонмы-вераськонмы сюлмысь пӧрмиз. Пиналъёслэн лыктэмзылы кузпалъёс туж шумпотӥзы. Милемыз келяса Зайнулла песятаен Загифа песянай капкаозь ик мынӥзы. Садэтӥ, сяськаясь улмопуос возтӥ ортчыку, мон синпельлы шуыса та туспуктэмез лэсьтӥ. Со дырысен аръёс ортчизы, туспуктэм архивам утиськиз.

Азьвыл аръёсы нылпиос пичиысен ик пӧртэм ужъёслы дышыса будӥзы. Нош туала вакытэ улонмы ӧжытлы воштӥськемын. Быгато меда асьмелэн кивоштӥсьёсмы, кылсярысь, гын сапег кышъяны яке сугон пуконаны? Таӵе юанъёс БР-ысь удмуртъёслэн национально-культурной центрзылэн Кенешезлэсь ёзчиоссэ но кемалась сюлмаськытӥзы ни.

«Единая Россия» партилэн республикаямы азинскись «Реальные дела» проектэз улсын, гурт поселениосын зэмос ужъёс быдэстӥсько. Янаул ёросысь Вылысь Барабановка гуртэ тулыс командировкае вуылыкумы, клубысь культорганизатор Венарий Васиуллин юртлэсь липетсэ воштон сярысь сюлмаськонъёссэ вераз. 1996-тӥ арын усьтӥськем зданилэн липетэз котькуд зорез, пе, пыр поттэ. Та юанэз гурт калык «Реальные дела» проектэн тодматонлы сӥзем пумиськон-кенешонын ӝутӥз. Ужпум палэнтэмын ӧй вал. Максим гурт поселенилэн администрациеныз кивалтӥсь Альмир Хузин ужпумлы ӧр усьтыны оскытӥз. Кема дыр но ӧз ортчы, клубез липыны гуртэ материал вуттӥзы.

Ӝоген гужем каникулъёс йылпумъяськозы. Нылпиос выль кужымен дышетскон борды кутскозы. Нош кытын шутэтскизы республикаысьтымы удмурт пиналъёсмы? Тросэз шуозы, дыр, песяй-песятайёсмы яке ӵужай-ӵужатайёсмы дорын. Кинъёс ке ушъяськозы «Усточикаре» вуылэмзы пумысен. Нош Бадӟым Качакысь Света Галиахметовалы туэ выльысь «Орлёнок» лагере вуылыны кылдӥз.

Вуоно арын шаерамы гурт удыслэсь азинскемзэ эскерозы. 1-тӥ пӧсьтолэзьысен 15-тӥ гудырикошконозь пудоосты, трактор-комбайнъёсты но трос мукетсэ лыдъялозы-чоталозы. Со пумысен Башкортостанстатлэн кивалтӥсезлэн воштӥсеныз Валерий Муратович Нуровен вераськиськом.

Нефтекамскысь кыкетӥ номеро поликлинической ёзэт. Коридорын милемыз пальпотыса пумитаз тӧдьы халатэн кышномурт. Лариса Калимуллина кема аръёс ӵоже ни татын палатной медсестра луыса ужа. Ӵош ужам эшъёсыз но, эмчиос но, висисьёс но солэн ужезлы вылӥ дунъет сёто. Лариса Гильмулловналэн небыт кылыз, пе, бурмытскыны юрттэ.

11-тӥ гудырикошконэ Татышлы ёросысь Комаров нимо лагерь мӧзмон гурен лэйказ. Та нуналэ отын «Усточикар» смена йылпумъяськиз. Нылпиослэн синъёсазы эшъёссылэсь, лагерь улонлэсь мӧзмон шӧдӥськиз. Нош кинъёслэн ке анай-атайзэс адӟыса синкылиоссы бам кузязы быльыразы.

Быдӟым Атыкай ожын вормон калыклы секытэн сётӥськиз. Кӧня адямиослэн улонзы ожын чигиськиз! Нош кӧня адями ивортэк ышиз? Асьмелэн шудмы понна нюръяськем котькуд солдатлэн нимыз тодмо луыны кулэ. Со муген ик Россия Федерацилэн Президентэз Владимир Путин ож аръёсы ивортэк ышемъёслэсь шайгуоссэс, соослэсь матысьёссэс шедьтон вылысь Указъёс но ӵектонъёс улэ гожтӥськиз. Россиысь Оброная министерствоен, кылсярысь, «ОБД Мемориал» сайт кылдытэмын. Со пыр олокӧня сюрс адямиос асьсэлэн ожын бырем яке ивортэк ышем матысьёссы сярысь тодӥзы ни.Со сяна, мукет азинлыко ужась поисковой сайтъёс но трос кылдытэмын.

Гужем куазен тросэз шаермылэн пӧртэм сэрегъёсаз яке кунгож сьӧрын шутэтскыны тыршо. Нош ми, Калтасы ёросысь егитъёс, туэ Надеждино гурт вӧзамы Танып шур дуре люкаськыны малпамы. Озьы 1-тӥ гудырикошконэ отчы студентъёс, егит ӧнерчиос, ёросысь егитъёслэн Кенешазы ужасьёс но мукетъёс люкаськизы. Шутэтсконмы «Турфест» выллем ортчиз. Монэн ӵош отчы Бадӟым Качакысь Светлана Галиахметова но вуылӥз.

Башкортостанысь удмурт гуртъёсысь пиналъёс гудырикошконэз чидатэк возьмало. Та вакытэ соос понна дас куинетӥ арзэ ни «Усточикар» лагерь радъяське. Туэ солэн ӧсъёсыз 2-тӥ гудырикошконэ усьтӥськизы. Лагере республикаысьтымы Янаул, Татышлы, Калтасы, Ермекей, Балтач, Бурай ёросъёсысь, Пермь шаерысь Чернушка ёросысь нылпиос вуизы. Соосты ӧнерчиоссы но вожатойёссы шумпотыса но эшлыко мылкыдын пумитазы. Лагерьын сюлы матэ нылпиос шутэтскозы, быгатонлыксэс волятозы но тазалыксэс юнматозы.

Кык ар талэсь азьвыл Нефтекамске удмурт культуралэн нуналъёсызлы сӥзем ужрадэ вазизы. Городысь шаертодонъя музейын милемыз туж лякыт, зӥбыт кышномурт пумитаз. Озьы нырысьсэ тодматски Нефтекамскысь удмурт огазеяськонэн кивалтӥсен Фируза Фаизоваен. Со дырысен Фируза Шарапгалиевна милям, ошмесчиослэн, эшмы но, юрттӥськисьмы но луиз. Городэ вуиськом ке, яке кыӵе ке уж муген вазиськиськом ке, со ноку уз палэнскы, котьку, котькыӵе югдурын быгатэмезъя юрттэт возьматоз. Фируза апайлэн котькинэн капчиен огкыл шедьтыны быгатэмез ужез бордысь потэм, лэся. Со кема аръёс ӵоже школаын покчи классъёсты дышетэм.

Котькуд ар шаерамы гудырикошкон толэзьлэн кыкетӥ арнянуналаз лэсьтӥськисьёслэсь нуналзэс пусйиськом. Та праздник 1956-тӥ арын «вордӥськиз» но со дырысен арлы быдэ лэсьтӥськисьёс удыс нуналзэс сӥлы каро. Таяз арын со укмысэтӥ гудырикошконэ тупа.

Чекмагуш ёросын тысё но тысё-кӧжыё культураосты октонлы сӥзем «День поля-2015» республика семинар-совещание ортчиз. Отын Башкортостанлэн Тӧроез Рустэм Хамитов республикаысь агропромышленной комплекслы дунъет сётӥз. Со сяна, со та удыслэн вуоноез сярысь кылпум ӝутӥз.

Али гинэ вал кадь Сочиын ортчоно Олимпи шудонъёсты витеммы. Ужрад ортчем дырысен арлэсь трос вакыт ортчемын ни. Кыӵе малпанъёсын уло меда Олимпи шудонъёсты асьсэ синъёсынызы адӟем адямиос? Мар меда малпало соос быдэсдунне ужрад, город сярысь? Юанъёслы валэктон шедьтон вылысь, Бурай ёросысь Касиярово гуртысь Мавлетзян Тазетдиновлы вазиськи. Соос кузпалыныз Олимпи шудонъёсты адӟон вылысь, Сочие лобазы угось.

Туэ Москваын Удмуртилэн арез ортче. Вераны кулэ, 2015-тӥ ар Удмурт Элькун понна котыр ласянь узыр луэ. Кылсярысь, куартолэзе дано композиторлэн Пётр Чайковскийлэн вордӥськемез дырысен 175 ар тырмиз. Коньывуонэ Удмуртия кунлыксэ басьтэмез дырысен 95 ар тырмонзэ пусъёз. Солы сӥзьыса шаермылэн шоркараз пӧртэм ужрадъёс ортчылозы: котырес ӝӧк сьӧрын вераськонъёс, конференциос, адӟытонъёс но мукет. Нош 25-тӥ пӧсьтолэзе Москваын улӥсь удмуртъёс Герберын шулдыръяськизы. Люкаськем калыклы њечкылан кылъёсын вазиськиз УР-лэн Тќроез А. В. Соловьёв.

Республикаысьтымы бусыосын ю-нянь тыро шепъёсыныз веттаське ни. Нош гурт хозяйствоослэн пудо сиён дасянзылэн ӟырдыт вакытэз йылпумъяськымтэ на. Соин музъем ужасьёс чидатэк возьмало куазьлэсь тупатскемзэ. Соос тодо: гурт удысын ваньмызлэн аслаз дырыз.

Гурын буй-буй ӝутӥськыса пыжем няньлэсь номыр ческытэз ӧвӧл, дыр. Со тужгес удалтэ, ческыт шӧмо но зыно пӧрме отчы анай аслэсьтыз яратонзэ понэ ке. Нефтекамск городын улӥсь Антонида Мардановалэн пыжиськемъёсыз витетӥ классын дышетскыкуз ик удалтылӥзы. Солэн картофкалэсь, сугонэн курегпузлэсь, сӥльлэсь пыс-пыс пыжем пирожкиосыз тужгес ческыт пӧрмылӥзы. Соин, дыр, Антонида Даниловна быдэ вуэм бераз пӧзьтӥськисьлэсь удыссэ быръёно кариськиз.