Статьи

9-19-тӥгудырикошконэ Удмурт Элькунысь «Ёлочка» лагерьын быгатӥсь нылпиос понна «Шундыкар-2014» смена радъяськиз. Сое усьтыны кыл сетӥськиз лагерьлэн тӧроезлы Ольга Алексеевна Трониналы: «Ӟечбуресь, пиналъёс, вожатойёс, ӧнерчиос но ӧтем куноос. Тани, 22-тӥарзэ ини «Шундыкар» ӧсъёссэ усьтӥз. Озьыен, тӥ, нылпиос, солэсь историзэ лэсьтӥськоды».

Янаул городын локальной конфликтъёсын бырем солдатъёслы памятник усьтӥзы. «Скорбящая мать» проектэз дасяз Уфаысь тодмо скульптор Халит Галиуллин. Памятник бырем пиез понна куректӥсь анаймуртэз возьматэ. Со пьедестал азе пыдесъяськем. Нош отысь лобӟись туриос вордскем палъёсысьтызы весяклы кошкем егит пиослэн тодметсы луо.

1985-тӥ арын Идиятуллинъёслэн семьяязы шумпотонэн валче секыт адӟон пыриз. Ӵапак соку «Мичурин» хозяйствое выль КСК комбайн басьтӥзы. Солэн рулез сьӧры связьын ужась Аркадий Каюмовичлы пуксьыны ӵектӥзы. «Гуртын улэм бере, хозяйстволы но юрттӥськытэк ӧз луы», - ортчем аръёсты тодаз вайыса вера юрт кузё. Уго со арлы быдэ сямен ӟырдыт бусы ужъёс вакытэ паськытэсь бусыосын комбайнэн тыршиз. Со куштӥськем комбайнъёсты тупатъяса но нырысетӥос пӧлын луылӥз. Та ласянь солы атаезлэн визь-кенешъёсыз но, оло, юрттӥзы. Каюм Идиятуллович быдэс улонзэ гурт удыслы сӥзиз. Быдӟым Атыкай ожысь ветеран берло аръёссэ ЗИЗ-150 машинаен ужаз. «Та машинаез керттылыса ке но пенсие потытозь нулло», - трос дыръя серекъялляз со. Каюм Идиятуллович «корт эшсэ» тол куазен, сюресъёс луымтэен, гуртлэсь палэнэ кельтылэм. Нош ӵукна сое вырӟытон понна быректэм ву ныпъяса поттылэм.

Али гинэ вал кадь «Усточикар» лагерьлэн усьтӥськем нуналъёсыз. Нош табере дас кык яркытэсь но ноку вунонтэм нуналъёс тодэ вайыны гинэ кылемын ни. Дас кыкетӥ гудырикошкон толэзе лагерь ӧсъёссэ ворсаз.

Кылем арняын Ермекей ёросын бадӟым ужрад ортчиз. Регионъёс куспысь «Земля предков» творчествоя фестиваль Ик шур дурын улӥсь пӧртэм калыкъёсты огазеяз. Ужрад фестивальлэн кылдэмез дырысен кызь ар тырмонлы но Лулчеберетлэн арезлы сӥземын вал.

Та синмаськымон пальпотӥсь егит пияш Татышлы ёросысь Улысь Балтач гуртын улэ. Эшъёсыз сое яратыса но гажаса Ростик шуо.

Татышлы ёросысь «Дэмен» СПК-лэн секыт югдуре шедёнэзлы азьвыл аръёсы нокин ӧз оскы, дыр. Уго татын котькуд уж азинлыко быдэстӥськиз: бусыосын ю-нянь шаулаз, фермаосын пудоос пуж-пуж йӧл сётӥзы. Озьы «Дэмен» СПК ёросысь кужмо хозяй¬ствоос пӧлын луиз. Но берло аръёсы татысь ужъёс шӧдскымон «чутыны» кутскизы. Соин, вылды, таиз арысь воштӥськонъёслы кинъёс ке оло шумпотӥзы но, дыр, сюлмазы ӟечезлы оскон кылдӥз. Туэ «Дэмен» СПК-е Уфаысь инвесторъёс вуизы. Соослэн юрттэменызы тулыс куазен бусыосы ӟеч ю тысь пыриз, техника пумысен но бадӟымесь сюлмаськонъёс ӧз кылдэ. Табере дэменъёс солэн буй-буй удал¬тонлыкезлы оско. Нош та нуналъёсы соос пудо сиён дасян бордын ӟырдыт ужъёс нуо.

Котькуд ар гудырикошкон толэзе Татышлы ёросысь Вязовка гурт вӧзысь пужымо нюлэс пӧлын выжыкыл дунне улӟе. Со Башкортостанын но солэн палэназ улӥсь удмурт пиналъёсты огазе люка. Таяз арын но Комаров нимо лагерьын «Усточикар» сменалэн ӧсъёсыз усьтӥськизы. «Усточикар» кыл удмурт пиналъёслы туж матын, туж дуно но трос тодэ ваёнъёсын герӟаськемын.

Калтасы ёросысь Бадӟым Туганеево гурт сярысь верало ке, нырысь ик вож-вож писпуос пӧлы ватскем, азьвыл аръёсы ӝутэм корлэсь юрт син азям пуксе. Татчы Ленин нимо СХПК-лэн правлениез интыяськемын. Хозяйствоен кивалтӥсь Дамир Викторович Мухаметшин, бухгалтеръёс Эльвира Кисматова но Тамара Галяутдинова милемды котьку шуныт мылкыдын пумитало. Соосын вераськыса-кенешыса, калыклэсь улэм-вылэмзэ, гурт хозяйстволэсь шокамзэ тодӥськом.

«Крутой тачкаен» ворттылон, особнякъёсын яке коттеджъёсын улон туннэ нуналэ тросэзлэсь узырлыксэ уг возьматы, «пунэмаса улонэн» лыдъяське.

Та нуналъёсы Рустэм Хамитов республикаысь тужгес кышкасьтэм 11 нылпиосты данъяз. Озьы со пиналъёслы гадьпус бырттӥз, «Горячее сердце» проектлэн дипломеныз, Крым Республикаысь Алушта городысь «Берег» лагере путёвка сётӥз.

Башкортостанысь городъёс но ёросъёс Украинаысь вуэм калыкез пумитаны дась. Республика селектор совещаниын со сярысь ивортӥз президентлэсь ужъёссэ быдэсъясь Рустэм Хамитов.

Туннэ тросэз визнан кутыса шур дурын пукыны ярато. Соин чорыгасьлэсь нуналзэ пичиез но, бадӟымез но тодэ. Кин ке понна чорыган – со быдэс улон, нош кин ке ваньмон дырзэ гинэ шур дурын ортчытэ.

19-тӥ пӧсьтолэзьысь 18 часэ республикаысь Быръёнъёсъя валтӥсь комиссия Башкортостан Республикалы Президентэ кандидатъёслэсь ужкагаззэс кутэмысь дугдӥз. Та нуналъёсы президент быръёнъёсы пыриськыны ньыль кандидат кылемын: Башкортостан Республикаысь Общественной палата-лэн аппаратэныз кивалтӥсь, «Патриоты России» партилэн регионысь ёзэтэныз ӵектэм Ильдар Бикбаев, Россия Федерацилэн Кун Думаысьтыз куатетӥ созывысь депутат, гражданской, уголовной, арбитражной но процессуальной законодательствоя кун комитетлэн ёзчиез, ЛДПР-лэн регионысь ёзэтэныз ӵектэм Иван Сухарев, Башкортостан Республикаысь Президентлэсь ужъёссэ быдэсъясь, «Единая Россия» партилэн регионысь ёзэтэныз ӵектэм Рустэм Хамитов, «Коммунистическая партия Российской Федерации» партилэн республикаысь ёзэтэзлэн секретарез, КПРФ партилэн регионысь ёзэтэныз ӵектэм Юнир Кутлугужин.

Евгений Гузаеров – Татышлы ёросысь Улысь Балтач школаысь одӥгез усто дышетскись. Туэ со ёросысь ньыль предметъёсъя олимпиадаосын школаезлэсь данзэ утем. Биология, экология, геграфия но правоведение предметъёсын тунсыкъяськись пияш ужрадын ӟеч тодон-валанзэ возьматыса, «призёр» нимлы дано луэм. Азьланяз со улонзэ наукаен герӟаны малпа, биология ӧрез, пе, быръё.

Янаул ёросысь Шудек гуртэ пырыку, син шоры выль урамъёслэсь сылӥсь микрорайон йӧтэ. Сое Италмас нимало. Али гинэ ӝутӥськем выль юртъёс возь вылэ ӝужам сяська кадь адӟисько. Выль урамъёс гуртлэсь азинскемзэ, егитъёслэсь ас гуртазы улыны мылкыд каремзэс возьмато. Выль микрорайон шоры учкыса, синъёс шумпото, сюлэм гуртлэн чебер вуоноезлы оске, шумпотон мылкыд кылдэ. Италмас микрорайонэ улыны нырысетӥен потӥзы Оксана но Дмитрий Исламгареевъёс.

ТАТЫШЛЫ ёросысь «Агро-Танып» СПК ӟеч возиськись хозяйствоен лыдъяське. Татын ужасьёс пӧлысь егит ӧнерчиосты но пумитаны луэ.

Арлян Янаул городлы 12 иськемлы палэнэ интыяськемын. Солэн кылдон сюресэз кыдёкысь 1807-тӥ арен герӟаськемын. Гуртэз кылдытонын Уранской волостьысь башкиръёс кичӧлтӥсь луиллям. Нош туннэ Арлянлэсь историзэ удмуртъёс азинто.

Кема зорыса улэм бере пилемъёс сьӧрысь пальышаса потӥсь шунды ужась калыкез турын дасян ужъёсы ӝутӥз. Гурт хозяйствоосын турын, сенаж, силос дасян ужъёс ӟырдыт кутскизы. Гужем пӧсям ву кисьтыса ужад ке, толалтэ пудо сиёнлы уд ёрмы. Сое ужась калык ӟеч вала, соин ик шулдыр нуналэз юнме ыштытэк бер ӝытозь бусыосын, лудъёсын тырше. Республикамылэн пӧртэм интыосаз тракторъёс, машинаос, турын дасянлы юрттӥсь агрегатъёс гурлало. Та вакытэ тросэз гурт хозяйствоос ӟеч будэм вож турынэнызы ушъяськыны быгато. Турнам турынлэн удалтэм пакосъёсыз синъёсыз шумпотто ке но, сюлэмшугъяськон но зӥбе: нош турынэз ӟеч октыны луоз меда? «Гужем зорыса тырмытӥз ни, табере пӧсь шунды сиос кулэ», – сюлэмшугъяськонэныз люкиське ужась калык. Туннэ тӥледыз республикаысьтымы куд-ог ёросъёсысь гурт хозяйствоослэн бусы ужъёсынызы тодматӥськом.

Алия Аксаитова но Дания Хабибуллина Янаул ёросысь Вот. Ошья гуртын вордскиллям. Кышномуртъёс пичиысен эшъясько. Школаын дышетскыкузы соос котьку парта сьӧрын ӵошен пукиллям. Уж удыс но огвыллем бырйиллям: воспитательлы дышетскиллям. Тодон-валан басьтыса, 1986-тӥ арын егит ӧнерчиос Выль Артаулысь «Василёк» нылпи садын ужаны кутскиллям. Семья кылдытэм беразы гинэ матысь эшъёслэн ваче азинскись сюрессы воштӥськем. Алия Минкаировна гуртысьтыз пияшен улонзэ герӟам, Дания Алексеевна Выль Артаул пияшлы бызем.