Спорт

Татышлы ёросын 1995- 1997-тӥ аръёсы вордӥськем егитъёс пӧлын Кускертто- нэн нюръяськонъя Россилэн первенствоез ортчиз. Отчы шаермылэн пӧртэм сэрегъёсысьтыз 250-лы матэ нюръяськисьёс пыриськизы. Россиысь Спортъя министерствоен, Башкортостанысь Егитъёслэн политиказыя министерствоен, кускерттонэн но «Куреш» нюръяськонъя федерациен но Татышлы ёрос администрациен радъям ӵошатсконын республикаысьтымы 52 нюръяськисьёс кужымзэс эскеризы.

ЮЖТОЛЭЗЬ - Нефтекамскын улӥсь удмуртъёс понна тужгес «пӧсь» толэзь. Та толэзе городын удмурт кыллы, культуралы но литературалы сӥзем месячник ортче.

Таяз арын «Ошмес» газетлэн кубокез понна волейболъя ӵошатсконэ удмурт школаосысь пиналъёс 22-тӥтулыспалэ люкаськизы. Шудонъёс Татышлы ёросысь Выль Татышлы, Улысь Балтач но Уразгильды школаосысь спортзалъёсын мынӥзы. «Туннэ Выль Татышлыысь пиослэн, Бадӟым Гондырысь яке Бадӟым Качакысь нылъёслэн вормонзылы оскон бадӟымгес», - вера ӵошатсконлэн валтӥсь судьяез А. И. Сабанчин. Быдэсмозы меда солэн малпанъёсыз?

21-тӥ тулыспалэ Сандугачын куасэн ӵошатскон ортчиз. Ужрад Барабановка школаысь физкультурая дышетӥсез Муллагали Шарафисламович Какимовез буре ваёнлы сӥземын вал. Туэ ӵошатсконэ Янаул ёросысь сяна, бускель ёросъёсысь куасчиос но ӧтемын вал. Жаляса верано, янаулъёс сяна, куас сюресын мукет ёросъёсысь спортсменъёс ӧй вал.

«Лыжня России» быдэсросси ӵошатскон 1982-тӥарысен ни куас сюресэз гажасьёсты огазея. Кема аръёс ӵоже возиськеменыз сяна, ужрад аспӧртэмлыкеныз но висъяське: куасэн бызьылонэ котькуд мылкыд карись адями – пичиез но, бадӟымез но, пересез но - пыриськыны быгатэ. Пусйымон, ӵошатскон арысь аре шаерамы паськытгес вӧлме. Кылем арняын шаерысьтымы тросаз городъёсын но ёросъёсын «Лыжня России-2015» куасэн ӵошатсконъёс радъяськизы. Но куд-ог ёросъёсын та спорт ужрадлы саклык висъямын ӧй вал. Шумпотымон, школаос палэнэ ӧз кыле: тросаз дышетон юртъёсын нылпиос куас сюрес вылын кужымзэс эскерыны быгатӥзы.

О проведении соревнований по лыжным гонкам в честь памяти учителя физической культуры Барабановской школы Какимова Муллагали Шарафисламовича.

Дас куинетӥ толшоре Янаул ёросысь Сандугач гурт волейболъя командаосты люказ. Татын БР-ысь удмуртъёслэн НКЦ-зылэн кубокезлы ӵошатскон радъяськиз. Ужрадэ Калтасы ёросысь Бадӟым Качакысь, Татышлы ёросысь Выль Татышлыысь, Улысь Балтачысь но Уразгильдыысь, Янаул ёросысь Максимысь но Сандугачысь, Пермь шаерысь Куеда ёросысь Бадӟым Гондырысь командаос вуизы. Озьыен, ӵошатсконэ огъя укмыс командаос пыриськизы: пиослэн – куать, нылъёслэн – куинь.

Кыкетӥ арзэ ни Татышлы ёросысь Улысь Балтач школаын нылпиос понна «Юный спецназовец» профильной военно-спортивной лагерь ужаз. Отын пиналъёс дас нунал ӵоже мугоръёссэс кыдатӥзы, родинамес утисьёслэн радазы султыны дасьлыксэс возьматӥзы. Пиналъёслэн стройын сылыны, пыӵал-тӥрлыкъёсын, противогазэн вырыны быгатонлыкъёссылы вылӥдунъет сётыны луэ.

Котькуд ар куартолэзе 10-тӥ классын дышетскись пиос военно-полевой сборъёсы люкасько. Вить нунал ӵоже соос армия улон пыр потоно луо. Котькуд ёрос вуоно солдатъёслэсь военно-полевой сборъёссэс аспӧртэм радъян сярысь сюлмаське.

Туала пиналъёслэн, егитъёслэн «Готов к труду и обороне» физкультурно-спортивной комплекс сярысь оло кылэмзы но ӧвӧл, дыр. Нош Совето Союз вакытэ будэмъёслы-улэмъёслы котькудӥзлы сямен соин пумиськылоно луиз. Уго 1931-тӥарысен тодон-валан басьтонэн но спортэн герӟаськем интыосын выль программа быдэстӥськыны кутскиз. Шаермылэн кивалтэтэз сое калыклэсь тазалыксэ юнматон вылысь кылдытӥз.

Башкортостанысь удмуртъёслэн национально-культурной центрзы арлы быдэ волейболъя ӵошатсконъёс радъя. Таяз арын со куинетӥ куартолэзе Калтасы ёросысь Бадӟым Качак гуртын ортчиз. Пумиськонэ республикаысьтымы Татышлы ёросысь Улысь Балтачысь но Уразгильдыысь, Янаул ёросысь Вуж Варяшысь пиосмуртъёслэн командаоссы вуизы. Нош Бадӟым Качакысь но Пермь шаерысь Куеда ёросысь Бадӟым Гондырысь, пиос сяна, нылъёс но кужымзэс эскерыны малпазы. Зэм, кузёос ӵошатсконэ нылъёслэсь кык командазэс дасяллям.

Берло аръёсы Татышлы ёросын спортлэн пӧртэм видъёсыз паськыт азинскыны кутскизы. Но ӝӧквыл теннисэн шудӥсьёслэн лыдзы кулэсмиз.

Татышлы ёросысь Улысь Балтач гуртын 1996-тӥ арысен ни ёросысь шахматъя чемпионъёсты Б. Ш. Шакировез но В. Ш. Шайдуллинэз буре вайыса «Рассвет» АО-лэн кубокезлы шахматъя турнир ортче.

Татышлы ёросысь Бальзюга гуртын данъяськымон адями улэ. Солэн быдэс улонэз нылпиослы тодон-валан сётонэн но спортэн герӟаськемын. Уж сюрессэ школалы сӥзем дышетӥсез бадӟымъёс но, пичиос но ӟеч тодо, гажало. Солэн нимыз бускель ёросъёсын улӥсь удмуртъёс пӧлы но паськыт вӧлмемын. Уго соин кивалтоно волейболъя команда ёросын котьку нырысетӥ луэ, нош зональной но республика ӵошатсконъёсын – вормисьёс пӧлын. Кин бен со? Со – Александр Иванович Сабанчин.

Олимпиадаын но Паралимпиадаын вормисьёсызлы Башкортостан Республика коньдон юрттэт возьматоз: зарни медаль понна – 1,5 млн манет, азвесь понна – 1 млн манет, бронза понна – 500 сюрс манет.

Башкортостанысь удмурт школаос пӧлын «Ошмес» газетлэн кубокез понна волейболъя ӵошатсконэз спортэн эшъяськись пиналъёс котьку шумпотыса возьмало. Арысь аре отчы республикаысьтымы Калтасы, Татышлы, Янаул ёросъёсысь спортсменъёс люкасько. Пермь шаерысь Куеда ёросысь Бадӟым Гондыр школаысь командаос но ӵошатсконэ котьку вуыло.

Тол олимпи шудонъёсын Башкортостанысь спортсменъёс Руслан Захаров но Семён Елистратов шорт-трекын зарни медаль утӥзы. Нош Межгорьеын будэм Ольга Вилухина биатлонын кык азвесь медаль басьтӥз. Россия Федерацилэн Пре¬зидентэз В. В. Путин соосты Эшъяськон орденэн данъяз.

Алигес Янаул ёросысь Сандугач школаын дышетскисьёс Олимпиадалэсь «шӧмзэ» веръязы. Покчи классъёсысь пиналъёс, «Орёл» но «Молния» командаослы люкиськыса, «Малые Олимпийские игры» ужрадын кужымзэс мертазы.

Нефтекамск городысь Левитан Михайлович Габидуллин машиностроительной колледжын физкультурая урокъёсты нуэ. Пичи дырысеныз спортэн эшъяськись, Стерлитамакысь физкультурая техникумез йылпумъям, «Лучший работник физической культуры РБ», «Отличник образования РБ» нимъёслы дано луэм дышетӥсь 20 арлы матэ пиналъёслы спортэз яратон мылкыд пыӵатэ.

Ӵуказе Сочиын XXII Тол олимпи шудонъёс кутскозы. Нош туннэ со Олимпи шудонъёслэсь эстафетазэс пумитаз. Тылэз нырысетӥен нуыны оскизы тодмо фигуристкалы, олимпи чемпионкалы Татьяна Навкалы.