Общество

Янаул ёросысь Шудек гуртын улӥсь Ралина Михайловна Гареевалэн улонэз пиналъёслы визьнод сётонэн герӟаськиз. Трос аръёс ӵоже дышетӥсь тодон-валан дуннеын «пӧзьыса» улӥз. Ралина Михайловна БР-ысь дышетон удысысь отличник луэ. Солэн ужез ёрос, республика грамотаосын но дипломъёсын пусъемын. Кема ӧвӧл дышетӥсь юбилейзэ пусйиз. Доразы куное кожылыса, мон гажано дышетӥсен пумиськи.

Нюлэс кушъёсын чебересь кеч¬синъёс ӧз ӝужалэ на. Нош лымы улысь соос интые тол ӵоже люкам ваньбуръёсмы «ӝутско» ни. Соос пӧлын тужгес трос пумисько пӧртэм ӟенеликъёс. Соин куддыр паймоно: макем узыр улӥськом асьмеос. Но со пумысен туж шумпотоно ӧвӧл, вылды. Уго со выллем узырлык куддыр трос синкылиен берыктӥське. Азьвыл аръ¬ёсы тросэз кузпалъёссы яке пиоссы коньдонзэс водкалы яке сурлы быд¬то шуыса ке ӝожтӥськизы, табере со¬осты спирт воштэ. Калыкын сое «фан¬фурик» нимало. Та выллем суретэз (сое оло спиртэн ниманы но уз луы) вуэн сураса, 40 градусъем курыт юон пӧрмытыны луэ. Басьяськисьёслэсь коньдонзэс со шӧдскымон шыръя. Нош тазалыксэс вормонтэм «сюпсе».

Туннэ нуналэ республикаысьтымы аскивалтэт кун бюджетысь юрттэт вылын возиське. Озьыен, соослы ужъёссэс быдэстыны дотациос сётӥсько. Гурт поселениослэн асьсэ кужыменызы пыртэм бюджетсы туж пичи луэ. Угось интыысь бюджет налогъёслэсь кылдэ. Гурт поселенилэн музъем вылаз мувӧй поттӥсьёс яке мукет бадӟым огазеяськонъёс ӧвӧл ке, трос коньдон пыртонлы осконэз ӧвӧл. Нош асьмеос, огшоры калык, со сярысь куддыр чик ум малпаське. Сельсоветлэн коньдон пуйыез пыдэстэм кожаськом. Соин ӵемысь кивалтэтэз вормонтэмзэ но быдэстыны куриськом. Озьы нуналысь нуналэ пӧртэм юанъёсын яке сюлмаськонъёсын сельсоветэ дыртӥськом. Туннэ соос пӧлысь кӧняезлэн ке ужъёсынызы тодматском.

Екатеринбургын удмурт фольклоръя куинетӥез «Выжы кыл» регионъёс куспысь фестиваль ортчиз.

Кылем арняын БР-ысь Культурая министерстволэн но Калык творчествоя республика центрлэн кичӧлтэмзыя культура удысын ужасьёслэн семинарзы радъяськиз. Ньыль нунал ӵоже радъяськем ужрадын Удмурт Элькунысь делегациез пумитаны чакламын вал. Отчы Ува, Шаркан, Сюмси, Якшур-Бодья, Пичи Пурга, Камбарка ёросъёсысь но Ижевск городысь культура юртъёслэн кивалтӥсьёссы пыриськизы. Делегациен кивалтӥз УР-ысь культура удысын ужасьёслэсь квалификацизэс будэтонъя центрлэн кивалтӥсез О. Н. Гелюх.

Россиын берло аръёсы наркотикен, юонэн, кысконэн нюръяськон ласянь бадӟым ужъёс нуисько.Озьы РФ-ысь Президентлэн В. В. Путинлэн косэмезъя шаерамы нимысьтыз Концепция дасямын. Со улсын республикаямы 2011-тӥ арысен «Трезвое село» проект быдэстӥське. Отчы 180-лэсь ятыр гуртъёс но городъёс пыриськыны мылкыд каризы. Проект калыкез тазалыко улонэн эшъяськытон, егитъёс пӧлын кысконэн, юонэн но наркотикен эшъяськисьёслэсь лыдзэс кулэстон вылысь радъяське. Туннэ «Трезвое село», Башкортостанын сяна, Новосибирск шаерын, Свердловск но Тюмень улосвылъёсын, Удмуртиын но Тыва Республикаын быдэстӥське. Татысь кивалтэтъёс оско: урод сямъёсты вормыны луоно.

Татышлы ёросысь Бальзюга гуртын данъяськымон адями улэ. Солэн быдэс улонэз нылпиослы тодон-валан сётонэн но спортэн герӟаськемын. Уж сюрессэ школалы сӥзем дышетӥсез бадӟымъёс но, пичиос но ӟеч тодо, гажало. Солэн нимыз бускель ёросъёсын улӥсь удмуртъёс пӧлы но паськыт вӧлмемын. Уго соин кивалтоно волейболъя команда ёросын котьку нырысетӥ луэ, нош зональной но республика ӵошатсконъёсын – вормисьёс пӧлын. Кин бен со? Со – Александр Иванович Сабанчин.

Башкортостан Республикалэн Президентэзлэн Р. З. Хамитовлэн Указэзъя, 2014-тӥ ар Башкортостанын Лул-чеберетлэн ареныз ялэмын. 23-тӥ толшоре Уфаысь Искусствоя училищелэн Концерт залаз Лулчеберетлэсь арзэ усьтон ужрад ортчиз. Со улсын республикаын муниципал огазеяськонъёс пӧлын «Культурная столица Башкортостана» марафон радъяське. Со нырысетӥ вамышъёссэ лэсьтӥз республикалэн уйпал-шундыпуксёнпал люкетаз интыяськем ёросъёсысен. Ар ӵоже марафон шаерлэсь котькуд карзэ но ёроссэ пыр потоз. Ужрад ар пумын Уфаын йылпумъяськоз.

Удмурт калык пӧлын но тодосчиосмы трос. Соос пӧлысь котькудӥз кулэ но данъяськымон уж бордын выре,сое сэрттон-пертчон вылысь, выль малпанъёс утча. Асьмелэн тодосчиосмы пӧлысь одӥгез тужгес гажаноез но дунъямонэз – Людмила Степановна Христолюбова. 26-тӥ южтолэзе Удмурт шаерысь Удмурт историяя, кылъя но литературая институтын, Дэри ёросын, Ижкарын, мукет каръёсын но гуртъёсын Людмила Степановналы сӥзьыса, пӧртэм ужадъёс ортчылӥзы. Та нуналэ тодосчи 75 арес тырмон юбилейзэ пусйиз.

Куинь ар талэсь азьвыл Куеда ёросысь Кирга школаын нылпиослэн «Зангари» ансамбльзы кылдӥз.

Ужрадэ Балтач ёросысь Асавка, Бурай ёросысь Выль Тазлар, Калтасы ёросысь Бадӟым Качак, Татышлы ёросысь Арибаш, Выль Татышлы, Калмияр, Кызыл-Яр, Улысь Балтач, Уразгильды но Янаул ёросысь Вуж Варяш, Каймашабаш, Максим, Сандугач, Шудек школаосысь пиналъёс вуизы. Арибаш школаын дышетскисьёс фестивале нырысьсэ пыриськизы.

Та нуналъёсы Свердловск улосвылысь Дегтярскын «Италмас» фольклор ансамбльлэн кылдэмез дырысен 10 ар тырмонлы сӥзем ужрад ортчиз.

Туала улонамы школаос пӧртэм секытлыкъёсты чидано луо. Пиналъёслэн лыдзы арысь аре кулэсме, предметъёс пӧртэм воштӥськонъёсты чидало, дышетӥсьёс ужтэк кылё. Озьы ке но школаосын ужъёс пӧзё, улон азьланьтӥське, пиналъёс тодон-валан дуннее шумпотыса мыно. Татышлы ёросысь Кызыл-Яр школаез гуртэ пырыку ик синйылтоно.

Калтасы ёросысь Качкин-Турай гуртын улӥсь Нина Гарипзяновна Уразбаева сизьым нылпиослэн анайзы луэ. Ньыль нылъёсты но куинь пиосты будэтыса, али дыре со - яратоно песянай но ӵужанай. Кыӵе со шуд? Ку адями шудо луэ? Та юанъёслы кышномурт одӥг валэктон сётэ:

Ортчоно дыр но инты: 2014-тӥ арысь 18-тӥ оштолэзе; Янаул ёросысь Вуж Варяш гуртысь культура юрт. Кутсконэз: 14.00 часын. Конкурсэз радъясьёс: БР-ысь Калыкъёслэн эшъяськон юртсы, БР-ысь удмуртъёслэн национально-культурной центрзы, Янаул ёрос администрация.

Кылем арын Башкортостан Республикаысь гурт удысэз азинтонлы сизьым миллиард манетлы матэ кун юрттэт возьматэмын. Со сяна, гурт калык «500 ферм» программалэсь но ӟечлыксэ шӧдӥз ни. Уго ар но ӝыны дыр куспын та программа улсын республикаысь 130-лэсь ятыр фермаос тупатэмын яке ӝутэмын. Со йӧл дасянлэсь ӟечлыксэ шӧдскымон ӝутӥз. Озьыен, хозяйствоослэн табышсы но будӥз. Соин, вылды, программае пырыны мылкыд карисьёслэн лыдзы йылэ. Тросаз гурт хозяйствоосын арлы йылпумъянъёс лэсьтон собраниосын со сярысь но кылпум ӝутылӥзы.

Котькуд адямилэн пичи, егит дыръёсыз тодон-валан юртэн, дышетӥсен герӟаськемын луо. Котькинлэн яратоно, мур тодон-валан сётэм дышетӥсез вань шуи ке но уг янгыша, дыр.

Янаул ёросысь Сандугач гуртысь анай-атайёс но пичи пиналъёс понна кема возьмам нунал вуиз: тулыспал толэзьлэн кутсконаз гуртазы нылпи сад усьтӥзы.

Тулыспал толэзьлэн берпуметӥ нуналъёсаз республикаысь 58 нылкышноосты «Анаймурт дан» медален пусйизы. Соосты ӟечкылаз Башкортостанысь Правительстволэн Премьер-министрезлэн воштӥсез Лилия Гумерова. Со дано анаймуртъёслы БР-лэн Президентэзлэсь Р. З. Хамитовлэсь ӟечкылан кылъёссэ но вуттӥз. Та нуналэ Калтасы ёросысь вить анаймуртъёслы медаль бырттӥзы. Соос пӧлын луиз Туганеевоысь вить нылпиослэн анайзы Венера Галимьяновна Зайнетдинова.

2013-тӥарын, кызьы тодмо, ЕГЭ-лэсь куронъёссэ тӥянъёс трос шараяськизы. Экзаменлэсь азьвыл ик заданиос интернет вотэсъёсын печатласькылӥзы. - Кылем арын ЕГЭ-ын кылдэм югдур туэ луыны кулэ ӧвӧл, - пусйиз Рособ-рнадзорен кивалтӥсь Сергей Кравцов. – Экзаменационной кампанилэн йылпумъянъёсызъя, 1500 адями кыл кутоно луиз, вить учырын законэз тӥясьёслы пумит уголовной приговор поттэмын. 2014-тӥарын ЕГЭ-ын кыӵе воштӥськонъёс пумиськозы?